Cancellation kaise karein

Cancellation ke liye humein WhatsApp ya email par likhit soochna deni hoti hai. Sirf phone par bola gaya cancellation maanya nahi hoga. Cancellation ki taarikh wahi maani jaayegi jis din hamein likhit message milta hai.

Refund slabs (domestic packages)

Departure se 30 din ya usse pehle: 90% refund
29 se 15 din pehle: 75% refund
14 se 8 din pehle: 50% refund
7 se 4 din pehle: 25% refund
3 din ya usse kam / no-show: koi refund nahi

International packages (Nepal, Bhutan)

International tours mein hotel aur permit ke advance non-refundable hote hain. Isliye:
45 din ya usse pehle: 80% refund
44 se 21 din pehle: 50% refund
20 se 8 din pehle: 25% refund
7 din ya usse kam / no-show: koi refund nahi

Company dwara cancellation

Agar kisi trip mein minimum group size poori nahi hoti ya kisi anhoni sthiti mein hum trip cancel karte hain, to aapko poora paisa (100%) wapas milta hai — ya aap usse kisi doosri date/trip mein transfer kar sakte hain.

Force majeure

Prakritik aapda, bhaari barish, landslide, hadtaal, curfew, mahamari ya government order ki wajah se trip cancel hone par hum jitna amount hotel aur transport se recover kar paate hain, wo refund kar dete hain. Jo advance already non-refundable ho chuka hai, wo wapas nahi mil sakta. Aise case mein hum credit note dene ki koshish karte hain jo 1 saal tak valid rehta hai.

Refund processing

Approved refund 7 se 14 working days ke andar usi tarike se bhej diya jaata hai jis se payment aayi thi. Bank ya payment gateway ke charges refund amount se kaat liye jaate hain.

GST amount tabhi refund hota hai jab wo already government ko jama na hua ho.

Date change / trip transfer

Departure se 15 din pehle ek baar date change bina kisi extra charge ke ho sakta hai (naye departure ki availability par nirbhar). Uske baad date change cancellation maana jaayega.

Aap apni seat kisi doosre vyakti ko transfer bhi kar sakte hain — bas naye traveller ka ID proof departure se 5 din pehle bhej dijiye.

Kya refund nahi hota

Un services ka koi refund nahi hota jo aapne khud istemal nahi ki — jaise ek meal chhod dena, koi sightseeing skip karna, ya trip beech mein chhod kar chale jaana.

Permit reject hone par (galat ya adhoore document ke kaaran) permit fee refundable nahi hoti.

Sampark

Iss policy se juda koi sawaal ho to humein likhiye:
Nandini Tour and Travels
2nd Floor, Krishna Kanti Enclave, Near Occasion Banquet Hall, Harnichak, Beur, Patna - 800002, Bihar, India
Phone / WhatsApp: +91 79797 64058
Email: info@nandinitourandtravels.com

Cancellation & Refund Policy